Поиск

Полнотекстовый поиск:
Где искать:
везде
только в названии
только в тексте
Выводить:
описание
слова в тексте
только заголовок

Рекомендуем ознакомиться

'Диссертация'
Специальность 08.00.05 – Экономика и управление народным хозяйством: экономика, организация и управление  предприятиями, отраслями, комплексами (стро...полностью>>
'Документ'
Крюкова Инесса Геннадьевна, «Иммунологические аспекты невынашивания беременности. Клинические аспекты аутосенсебилизации к прогестерону», Российский г...полностью>>
'Доклад'
Вопросы промышленной безопасности любых объектов и конструкций требуют проведения большого набора работ на всех стадиях жизненного цикла от разработк...полностью>>
'Реферат'
Дело в том, что лично я предпочитаю делать такого рода работу не о том пред-мете, который я знаю хорошо, а о том, что я знаю плохо, о том, в чем не р...полностью>>

Тема: Мин

Главная > Реферат
Сохрани ссылку в одной из сетей:

Татарстан республикасы Әтнә районы

Түбән Көек урта мәктәбе

РЕФЕРАТ

Тема: “Мин күренекле авылдашым

белән горурланам”

11 нче сыйныф укучысы

Шакиров Ирек Илһам улы

2004 ел

Ихтирамны белгертим хак сүз белән:

Кунак килсә каршыладың ак йөз белән;

Дошман килсә, чыкмадың кулын юарга,

Һәм булмадың ак төстәге сатлык байрак!

И ак сөлге, беркайчан да пычранмадың –

Күпме сөрттең гаделләрнең хәләл канын!

Син көрәштең Сабантуйда, билгә яптың.

Көрәшләргә озатып калдың син ирләрне,

Сау бул, диеп, кулга кушылып җилфердәдең,

Җилфердәдең кызыл туйлар пар атында,

Әверелеп туйның бәхет канатына...

Җеназада син, ак сөлге, безнең кулда.

Озатасың гүр иясен соңгы юлга...

Кичерешләрнең таныш сиңа һәр кайсысы,

Илемнең һәрбер шатлыгы, һәр кайгысы.

Син бит үзең дә халкымның күңеле төсле –

Сөттән сеңгән зур пакълекнең бер көзгесе.

Һәрбер эшнең, һәр ниятнең өмете – уңыш.

Кешеләрнең нияте зур, сөлге, булыш!

Ренат Харис.

Мәхәббәт, нәфрәт, яшәү һәм, билгеле инде, көрәш. Яшәү өчен көрәш. Үзебезне татар баласы итеп күрсәтү өчен көрәш. Монысына да без яшьтән үк чыныгып, мәйданнарда барган уеннарда, бил алышларында көрәшеп әзерләнәбез.

Көрәш,көрәш... Безнең аңыбыз, дөньяга карашыбыз, татар әкиятләре тыңлап, оешкан, безнең рухыбыз шуларга ияреп ныгыган. Безнең һәркайсыбыз тормышта үзенең батыр урынын табарга омтылып яши.

Шундыйларның берсе минем авылдашым (Әйшияз егете) Марсель Таһиров.

Марсель Таһиров 1964 елның 25 нче октябрендә Әтнә районы Әйшияз авылында туган. 1972 елда Әйшияз башлангыч мәктәбенә укырга керә. 4 нче сыйныфны Түбән Көек сигезьеллык мәктәбендә укый. 5-10 нчы сфйныфларны Күәм урта мәктәбендә укый. Казан авыл хуҗалыгы институтында укыган елларда Гадел Хәбибуллин, Гайнетдин Мөхәммәдиев кебек тренерларда шөгельләнеп, 80 килограммга кадәрле үлчәүдә иң көчле көрәшчеләрнең берсенә әйләнде. Институтны тәмамлаганнан соң “Игенче” колхозында агроном булып хезмәт юлын башлый. Комсомолның Арча һәм Әтнә район комитетлары секретаре булып эшләгәндә яшьләр, бигрәк тә укучы яшьләр тормышын җанландыруда активлык күрсәтә. Әтнә районы “Сельхозхимия”сен җитәкләгәндә дә, авыл хуҗалыгы идарәсе җитәкчесе булганда да үзенең сәләтен идарә итүдә, җир белән эшли белүдә танытты. “Татарстан кыры” фәнни-җитештерү берләшмәсе урынбасары булып эшләгәндә ул фәнни эш белән шөгыльләнүгә дә вакыт тапты. Ул авыл хуҗалыгы фәннәре кандидаты (2002). Шушы эшләре белән бергә, Марсель Таһиров, 20 ел буена көрәшкә тугрылыгын саклады. Ул Татанрстанның – 9 (1985, 1986, 1988, 1989, 1991, 1993, 1995, 1996), Россиянең – 2 мәртәбә чемпионы (1986, 1988), Муса Җәлил исемендәге призга бәйгеннең 4 тапкыр җиңүчесе (1988, 1989, 1993, 1995), Әтнә районы Сабан туеның – 9, Арча, Мари республикасының Йошкар- Ола шәһәре (1998) һәм Мари-Турек (1998) районы Сабан туйларының баш батыры.

1985 ел. Казанда герой-шагыйрь Муса Җәлил исемендәге призга бәйге бара. 75 килограммга кадәрге үлчәүдә көрәшүчеләрдән игътибар үзәгендә - авыл хуҗалыгы институның агономнар әзерләү бүлегендә укучы Марсель Таһиров. Моңа кадәр көрәш дөньясында бик үк билгеле булмаган бу егет Максим Васильев, Иван Дмитриев, Рафис Шәртфуллин кебек спорт осталарыннан өстен чыгуы белән бөтенесенең тынычлыгын алган. Тагын бер көндәше – үзе беләни бергә укып йөрүче Түбән Кама районы егете Ринат Мотыйгуллин белән генә очрашасы, аны да екса, Марсель чемпион... Ул чакта ахырга кадәр әйбәт көрәшергә әллә көче җитеп бетмәде, әллә җиңәсенә артык ышанып ташлады, ярымфиналда ул оттырды. Бу хәл әле бик яхшыга да булгандыр, ул Таһировка кайда гына, кем белән генә очрашырга туры килсә дә, ахыргы мизгелгә кадәр йомшап калмаска әйбәт сабак булды.

...Көрәш сөлгесен ул кулына беренче тапкыр унбиш яшендә алды. Күршеләрендә яшәүче Рәхимҗан абый бил алышып карарга тәкъдим иткәч, яшь егет Сабан туйларында көрәшеп бүләкләр алучы абзыйны чирәмгә тәгәрәтеп җибәрде. Тегесе моңа бер дә гарьләнмәде. Марсельгә көрәш белән ныклап шөгельләнергә тәкъдим итте, кайбер алымнарны да күрсәтеп бирде.

Аларның Әтнәдәге Әйшияз авылында көрәшне бик яраталар. Габделбәр Сабиров, Гайсә һәм Габделфәт Шакировлар, Айрат Галимҗанов кебек батырларның даны тирә якка таралган. Марсель дә үзеннән өлкәннәрнең бил алышуларын сәгатьләр буе карап утырырга яратты, алар кулланган алымнарның серенә төшенергә тырышты. Казанга килеп авыл хуҗалыгы институтына укырга кергәч, тренер Гадел Хабибуллин оештырган цекциягә йөри башлады. “Ферма”дагы залга барган күнегүләр белән бергә генә чикләнмичә, буш вакытларында Восстание урамындагы залга йөрергә дә җай чыгарды. Ул елларда институтта Марсель белән бергә авыл җирләреннән килгән, көрәшне яраткан байтак егетләр укыды. Шулардан биектаулы Наил Хәмидуллин һәм Александр Золин, Хәлил Заһидуллин, Илһам Сабиров, Камил Хаҗиәхмәтов оста көрәшчеләр булып җитеште.

Укытучы гаиләсендә үскән Марсель яшьтән үк һәр нәрсәнең асылына төшенергә гадәтләнде. Көрәшкә кереп киткәч тә ул һәр алымның каян килеп чыгуын, аны ничек яхшырак кулланырга мөмкин булу турында ныклап уйланды. Кул, аяк,бәдән, сөлге белән генә түгел, баш белән дә, ягъни уйлап көрәшергә тырышты.

Зур көрәшче булу өчен берничә шартны үтәргә кирәк, дип уйлый иде ул. Иң элек алымнарны әйбәт үзләштерү, шөгельләнү өчен спорт залы, тәҗрибәле остаз ... Шулар өстенә әле ашау-эчү, туклану мәсьәләсендә дә тәртипле булу. Яшерен-батырын түгел, кайберәүләр аз гына уңышка ирешүгә үк хәмер белән мавыга башлыйлар, эчәргә яратучы “дуслар” белән бәйләнәләр, шуның белән спорттан төшеп калалар. Марсель бу яктан бик тәртипле кеше булды. Ул хәтта бәйрәмнәрдә дә авызына аз гына да исерткеч эчемлек капмады, югыйсә институтны тәмамлаганнан соң зур-зур урыннарда эшләргә туры килде – Арчада комсомол район комитетының беренче секретаре, Әтнәдә агроном, “Агрохимсервиз” берләшмәсе җитәкчесе, район хакимияте урынбасары, Казанга әйләнеп кайткач “Татарстан кыры” фәнни-тикшеренү берләшмәсе директоры урынбасары булып эшләде. Шул елларда, эше никадәр генә күп булмасын, көрәшкә әзерләнергә, бәйгеләрдә катнашырга вакыт тапты. Әнә шундый тормыш рәвеше алып баруы аңа ике тапкыр Россиядә, сигез мәртәбә Татартанда батыр калырга, Әтнәдә тугыз ел Сабан туеның баш батыры булып торырга, алай гына да түгел, Арчада, Теләчедә, Мари республикасының Бәрәңге районында, Йошкар-Олада мәйдан тотарга булышты. Кырык яшенә җиткәндә дә әле ул үзеннән күпкә яшь булган көндәшләре белән тигез көрәште. Бәйгеләргә ул беркайчан да бүләкнең зурырагын алам дип килмәде, киресенчә, еш кына үзе белән бүләк алып килер дә аны үсеп килүче яшьләрнең йә ялгыз картларның берәрсенә бүләк итеп китәр иде. Бер елны шулай Петровкадагы төнге Сабан туенда иртәнгә кадәр кәрәшеп батыр калгач, аңа бер кочак чүпрәк-чапрак һәм тәкә бирделәр. Марсель шул чагында тәкәне “Мә, әби, минем эшләрем уң булсынга дога кылырсың”, - дип, үзе өчен җан атып утырган өлкән яшьтәге, таныш булмаган бер карчыкка биреп калыра. Мондый тормыш мисаллары белән ул үзенең кешеләргә карата уңай, ярдәмчел мөнәсәбәте булуын күрсәтә. Казан шәһәрендә яшәсә дә, даими Әтнә районына, Әйшияз авылына кайтып, үз халкы белән аралашып, кулыннан килгәнчә ярдәм итеп тора. Үзенең спорттагы тырышлыгы, җиңүләре белән авыл яшьләренә һәрвакыт үрнәк. Авыл хуҗалыгы фәннәре кандидаты, батыр көрәшче Таһиров Марсель Шәрифҗан улы Түбән Көек мәктәбе өчен дә, Әйшияз авылы өчен дә, Әтнә районы өчен дә горурланырлык шәхес.



Скачать документ

Похожие документы:

  1. Тема: Мировоззрение. Нравственные основы поведения

    Самостоятельная работа
    Древнегреческий философ Протагор рассказал такой миф: «Когда боги населяли живыми существами землю, то распределяли выборочно среди животных – способности (силу, быстроту, ловкость), среди людей – искусство (гончарное, кузнечное).
  2. Тема педсовета

    Урок
    Поурочный план учителя, который работает творчески, - это максимальное предвидение того, что должно быть и того, что может возникнуть на уроке. (В.А. Сухомлинский)
  3. Тема: «анализ лирического стихотворения а. С. Пушкина «осень» (отрывок)»

    Документ
    В парах дети работают с карточкой – заданием. Требуется сопоставить понятие и определение. Результат работы отражается на доске. При этом 1 часть детей выступает в поли учеников, выполняющих задание, другая – учителей – проверяющих его.
  4. Тема урока : «Музыка, которую любил А. С. Пушкин»

    Урок
    Учитель: Слово и музыка – два великих начала, две стихии искусства. На протяжении многих веков они непрерывно спорят и борются, нередко приходят к согласию и взаимопониманию.
  5. Тема урока: Мои летние каникулы. Цели и задачи урока

    Урок
    Guten Morgen meine Liebe. Heute haben wir ein interessantes Thema auf unserer Stunde. Wir werden über unsere Sommerferien sprechen. Ihr bereiteten eure Projekte über eure Sommererholung vor.

Другие похожие документы..